TIRANË– Lefter Alla është shkarkuar këtë të premte nga detyra e kryebashkiakut të Bulqizës pas arrestimit të tij nga Prokuroria e Posaçme Kundër Korrupsionit dhe Krimit të Organizuar (SPAK) për abuzim me tenderin 320 milionë lekë. Vendimi është marrë në mbledhjen e kësaj të premteje të Këshillit të Ministrave. Në vendimi thuhet se shkarkimi i tij erdhi pasi Alla ka kryer shkelje të rëndë dhe abuzimet me tendera. Vendimi hyn në fuqi menjëherë dhe është botuar në “Fletoren zyrtare”.’
NJOFTIMI:
‘V E N D I M PËR SHKARKIMIN NGA DETYRA TË KRYETARIT TË BASHKISË BULQIZË, Z. LEFTER ALLA. Në mbështetje të neneve 100 e 115, pika 1, të Kushtetutës, dhe të shkronjës “a”, të nenit 62, të ligjit nr.139/2015, “Për vetëqeverisjen vendore”, të ndryshuar, me propozimin e ministrit të Brendshëm, Këshilli i Ministrave
V E N D O S I:
Shkarkimin nga detyra, për shkak të shkeljeve të rënda, të kryetarit të Bashkisë Bulqizë, z. Lefter Alla. Ky vendim hyn në fuqi menjëherë dhe botohet në “Fletoren zyrtare”.‘
