TIRANË– “Nuk kërkoj votë kundër kolegëve të mi” kështu është shprehur deputetja e Partisë Demokratike Jorida Tabaku në mbledhjen që deputeti Enkelejd Alibeaj po zhvillon me mbështetësit e tij ku po diskutohet për zgjedhjet vendore të 14 majit. Tabaku ëhstë shprehur se opozita duhet të dalë me një kandidat unik pasi betejën shton Tabaku nuk e kemi me njëri-tjetrin por me Edi Ramën.
Jordida Tabaku: Kam të njëjtin qëndrim që kisha në shtator. Opozita duhet të dalë me kandidatë unikë. Nuk duhet në asnjë mënyrë që ne të bëjmë betejë kundër nesh. Ne kemi një kundërshtar, kemi qeverinë dhe asnjë arsye e asnjë justifikim të jemi ne ato që përçajnë votën e opozitës. Ne duhet të mbrojmë logon e PD, të nxjerrim PD si alternativë në këto zgjedhje. Nuk e bëj dot që të kërkoj votën kundër kolegëve të mi. Nuk kam asnjë dyshim që ne për të fituar duhet të jemi bashkë dhe më shumë se kaq.
