MAMURRAS– Shtëllunga të zeza tymi bllokojnë autostradën Thumanë-Milot dhe fshatin e Fushë Mamurrasit. Shkak për këtë është bërë djegia e gomave dhe mbetjeve plastike. Kjo ka shkaktuar probleme jo vetëm në zonën e Mamurrasit të cilët janë zgjuar me tymin e zi që qëndron si “perde” e zezë sipër koke por ka shkaktuar probleme dhe në lëvizjen e mjeteve.
Banorët e zonës shprehen se kjo situatë është e përsëritur dhe dyshohet se gjatë natës persona ende të paidenfitikuar hedhin mbetje poshtë urës në lumin Droje, duke shkaktuar ndotje të madhe në rrjedhen e lumit, natyrë dhe zonën përreth.
