POGRADEC– Një 36-vjeçar i identifikuar si Bledi Sinanllari është vënë nën hetim nga policia e Pogradecit pasi dyshohet se ka ngacmuar seksualisht një të mitur. Ngjarja raportohet të ketë ndodhur në gusht të vitit të shkuar. Policia bën me dije se dyshohet se Sinanllari ka kryer veprime të turpshme me të miturën.
Ndërkohë në pranga ka rënë dhe një 26-vjeçar i identifikuar si Elis Shkoza (me precedent të mëparshëm penal në fushën e vjedhjes së pronës dhe dhunës në familje) pasi ka kundërshtuar dhe ka kanosur punonjësin e policisë në ambientin e Komisariatit të Policisë Kolonjë, ku ndodhej i shoqëruar pas një konflikti familjar. Po ashtu I riu ka tentuar të largohet nga këto ambiente, por më pas është neutralizuar nga shërbimet e Policisë.
