MAMURRAS– Një ngjarje e rëndë është regjistruar mbrëmjen e kësaj të shtune në Mamurras. Raportohet se qëlluar me armë zjarri në drejtim të një banese në lagjen “Demokracia”. Gjithçka ka ndodhur pas një sherri për motive të dobëta mes tre të rinjve. Dy prej tyre konkretisht Paulor Noka dhe Romario Gjoni , kanë shkuar në banesën e Shtjefen Ndrekes dhe kanë qëlluar me armë zjarri. Më pas janë larguar nga vendngjarja. Blutë e Kurbinit kanë ngritur pika të ahumta kontrolli për të bërë të mundur kapjen e tyre.
NJOFTIMI I POLICISË:
Rreth orës 19:00, në lagjen “Demokracia”, Mamurras, pas një konflikti të çastit për motive të dobëta, shtetasit P. N. dhe R. Gj., banues në Mamurras, kanë kanosur shtetasin Sh.N., duke qëlluar me armë zjarri në drejtim të banesës së tij. Me marrjen e njoftimit, shërbimet e Policisë Kurbin kanë mbërritur menjëherë në vendngjarje. Në mbështetje të tyre kanë shkuar edhe Forcat Operacionale të DVP Lezhë dhe FNSH Shkodër. Janë ngritur pika kontrolli, si dhe vijon kontrolli i zonës, me qëllim lokalizimin dhe kapjen e autorëve të dyshuar. Grupi hetimor, nën drejtimin e Prokurorisë, vijon veprimet hetimore në vendin e ngjarjes, me qëllim zbardhjen e plotë dhe dokumentimin ligjor të ngjarjes.
