TIRANË– Ulsi Manja ka bërë të ditur emrat që kandidojnë për kryebashkiakë në qarkun Lezhë nën singlen e Partisë Socialiste.
Ulsi Manja: Në Bashkinë Lezhë rikandidojmë Pjerin Ndreun, punët e mira që janë bërë na japin të drejtën që të kërkojmë një mandat të tretë për Pjerinin. Kemi punët në dorë dhe të tjera na presin për Lezhën. Po ashtu në bashkinë e Lezhës kemi miratuar dhe përbërjen e listës së këshillit bashkiak, në Kurbin kandidojmë përsëri Majlinda Carën. Në këto katër vite Majlinda ka bërë që Kurbini të pësojë një ndryshim rrënjësor. Në Bashkinë Mirditë do të kërkojmë votën më 14 maj për rikandidimin e Ndrecë Dedës.
