GJIROKASTËR– Një aksident rrugor është regjistruar në rrugën Gjirokastër-Tepelenë, në afërsi të Viroit. Një makinë tip Ford është përplasur me një makinë tip Mercrdez Benz. Përplasja ka qene gjysmë frontale ç’ka ka shmangur pasojat fatale nga aksidenti. Sakaq drejtuesit e dy makinave kanë mbetur të plagosur. Mësohet se dy të plagosurit janë dërguar në Spitalin e Gjirokastrës ku ndodhen nën kujdesin e bluzave të bardha. Gjendja e tyre shëndetësore është jashtë rrezikut për jetën.
NJOFTIMI I POLICISË:
Rreth orës 10:05, në aksin rrugor “Gjirokastër-Tepelenë”, në vendin e quajtur “Virua”, janë përplasur automjeti tip “Benz”, me drejtues shtetasin G. M., 25 vjeç, banues në Memaliaj, dhe automjeti tip “Ford”, me drejtuese shtetasen J. B., 35 vjeçe, banuese në Përmet. Për pasojë, kanë mbetur të dëmtuar të 2 drejtuesit e automjeteve, të cilët janë transportuar në Spitalin Rajonal Gjirokastër, për të marrë ndihmën mjekësore. Në vendngjarje ndodhet grupi hetimor, i cili po punon për zbardhjen e shkaqeve të aksidentit.
