FRANCE – Kreusuesi i Grupit B, Franca do të luajë sot në ndeshjen debutuese të Irlandës në Dublin për kualifikueset e “Euro 2024”.
Golashënuesi i pestë në historinë e ‘Bluve’ me 38 gola, sulmuesi Kylian Mbappé është arma kryesore e Didier Deschamps dhe premton se do të përpiqet t’i afrohet Platinit (41), i cili zë vendin e katërt në listën e shënuesve të kombëtares së Francës.
“Dua të vazhdoj rrugëtimin tim drejt majës (në krye është Giroud me 53 gola). Platini është një legjendë e futbollit francez. Unë dua të vazhdoj rrugën time dhe ajo rrugë kalon nga Platini”,- vëri në dukje ylli i PSG-së, tani kapiteni i Francës.
“Ndjeva se grupi ishte shumë i bashkuar gjatë gjithë javës, nuk kisha nevojë të ndërhyja. Më pak punë për mua, më mirë për të gjithë ne!”, ka thenë ai në konferencën për shtyp për ndeshjen në fjalë.
