GREQI– Punonjësit e një banke në zonën e Argyroupol në Greqi janë tronditur mëngjesin e sotëm pasi banka e tyre ra pre e një grabitjeje. Sipas ELAS, një person ende i paidentifikuar hyri në degë në orën 09:40 të mëngjesit dhe imobilizoi punonjësit nën kërcënimin e një granate dore. Më pas ai ka marrë një shumë lekësh nga një arkë dhe është larguar. Shuma nuk bëhet ende e ditur. Ndërkohë vijon puna për identifikimin dhe kapjen e autorit.
