ITALI– Njëzet persona mes të cilëve dhe një shqiptar janë vënë në prangat e policisë italiane si dhe janë sekuestruar 760 kilogramë kokainë me vlerë 60 milionë euro në kuadër të një operacioni antidrogë.
Mediat italiane shkruajnë se droga ishte fshehur në një lëkurë të papërpunuar viçi dhe nëse do të dilte në treg, do të kapte shifrën e mbi 60 milionë eurove. Droga ishte nisur nga Amerika e Jugut dhe ishte fshehur në kontejnerët e mbushur me lëkurë të papërpunuar viçi.
Copat e lëkurës së viçit ishin të paketuara dhe të ndara në madhësi identike e me peshë 500 gramë secila. Grupi që e kishte sjellë nga Amerika e Jugut rezulton se është me origjinë në Republikën Domeikane dhe ishte aktivizuar në Itali.
Policia ka ushtruar kontrolle të imtësishme në banesat dhe pronat e të arrestuarve ku janë sekuestruar pesë makina që iu gjetën në garazhe.
