MILOT-Banorët e zonës së Fushë-Milotit kanë dalë këtë të martë në protestë për mjetet e tonazhit të rëndë që kalojnë në këtë zonë. Ata shprehen se prej vitesh vijon një situatë e tille ku në aksin nacional Fushë-Milot-Shullaz kalojnë të paktën 50 kamionë në ditë duke u kthyer në problem për banoret. Sipas tyre kjo ka bërë që të dëmtohet rruga por dhe të krijohet zhurmë dhe pluhur.
Banorët e zonës kërkojnë nga pushteti qëndror dhe lokal që të meeren masa. Në fund ata i kanë dhënë 10 ditë afat firmës për të marre masa për asfaltimin e rrugës, dhe që të ketë një orar të caktuar për kalimin e tyre. Në të kundërt ata shprehen se do të përshkallëzojnë protestën e tyre.
