GJIROKASTËR– Një 42-vjeçar i identifikuar se Deme Rexhaj është vënë në prangat e policisë së Gjirokastrës këtë të mërkurë pasi u kap duke transportuar dhjetë emigrantë të paligjshëm. Rexhaj banues në Kosovë u kap në vendin e qujatur “Ura e Leklit”. Destinacion i tij ishte Tirana e më pas emigranëtët do të kalonin në vendet e Bashkimit Europian.
NJOFTIMI I POLICISË:
Gjirokastër Finalizohet operacioni policor i koduar “Road Guard 57”. U kap në flagrancë duke transportuar kundrejt fitimit, 10 emigrantë, me qëllim kalimin e paligjshëm të kufirit, vihet në pranga 42-vjeçari (shtetas kosovar). Sekuestrohen automjeti me të cilin transportoheshin emigrantët, 1 aparat celular dhe një shumë parash. Seksioni për Hetimin e Trafiqeve të Paligjshme, në bashkëpunim me Forcën e Posaçme Shqiponja të DVP Gjirokastër, në vijim të punës së pandërprerë, në terren, për parandalimin, evidentimin dhe goditjen e aktivitetit kriminal të dhënies ndihmë shtetasve të huaj, për kalim të paligjshëm të kufirit, mbështetur dhe në inteligjencën informative, ka finalizuar operacionin policor të koduar “Road Guard 57”, si rezultat i të cilit u bë arrestimi në flagrancë i shtetasit:- D. R., 42 vjeç, banues në Kosovë.
Ky shtetas është kapur në flagrancë, në vendin e quajtur “Ura e Leklit”, duke transportuar me automjet, në drejtim të Tiranës, kundrejt fitimit, 10 emigrantë të paligjshëm nga vendet MENA, të cilët kishin si qëllim kalimin e kufirit në mënyrë të paligjshme. Në cilësinë e provës materiale u sekuestruan automjeti, 1 aparat celular dhe një shumë parash. Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
