TIRANË– Uniformat blu të Tiranës janë alarmuar ditën e sotme pas një telefonate të mbërritur ku një qytetar shprehej se i rrezikohej jeta. Në telefonatë, qytetari specifikoi se ishte në një seancë gjyqësore në gjykatë dhe se sipas tij, në përfundim të procesit, sapo të dilte do i rrezikohej jeta.
“Kërkoj ndihmë pasi të dal nga seanca se më rrezikohet jeta“, mësohet të ketë thënë qytetari.
Mësohet se, policia ka mbërritur në vendin e ngjarjes dhe ka telefonuar qytetarin, i cili tashmë ka fikur celularin. Ndërkohë para gjykatës nuk është raportuar asnjë shenjë që mund të provojë, dyshimet që erdhën nga telefonata e pazakontë dhe e papritur e qytetarit që ngriti në këmbë blutë e kryeqytetit.
