GJIROKASTËR– Një 36-vjeçare identiteti i të cilës nuk është bërë i ditur ka kallzuar në policinë e Gjirokastrës një 54-vjeçar të identifikuar me inicialet XH..M pasi ky i fundit prej disa kohësh e përndiqte. Para uniformave blu ajo ka thënë se 54-vjeçari e kërcënonte dhe e ndiqte kudo. Pas denoncimit policia ka ndaluar këtë të fundit, i cili nuk i është bindur urdhrave dhe ka tentuar t’u shmangej shërbimeve. Pasi u ndalua 8u konstatua se ai ishte në gjendje të dehur në timon.
“Specialistët e Seksionit për Hetimin e Krimeve të Komisariatit të Policisë Përmet arrestuan në flagrancë shtetasin Xh. M., 54 vjeç, banues në fshatin Katundisht, Përmet, pasi ka kallëzuar një 36-vjeçare, se ky shtetas e ka përndjekur dhe i ka dhunuar banesën. 54-vjeçari nuk i është bindur urdhrit të punonjësve të Policisë, për të ndaluar automjetin me të cilin tentoi t’u shmangej shërbimeve”, thuhet në njoftim.
