TIRANË– Prokuroria e Tiranës ka mbyllur këtë enjte hetimet për vrasjen e Menduh Kurt-Shabanit dhe ka dërguar për gjykim Marjeta Karajn, djalin i saj Besmir Karaj dhe shokun i këtij të fundit, Gazmir Ngota. Organi u akuzës bën me dije se Ngota është ‘penduar’ dhe ka rrëfyer të gjithë zanafillën e ngjarjes. Të tre do të përballen me akuzën e vrasjes me dashje, të kryer në bashkëpunim.
Menduh Kurt-Deda, 61 vjeç u vra pesë vite më parë, por ngjarja u zbardh në dhjetor të vitit të kaluar, kur u gjet proteza e dhëmbëve që mbante Kurt Deda dhe një pjesë e njërës këmbë që nuk ishte shkrumbuar tërësisht. Ai u vra në mënyrë barbare nga Besmir Karaj me urdhër të nënës së tij Marjetës. Ai e kishte futur Kurt-Shabanit në makinë e ka dhunuar, lidhur me zinxhirë e më pas e ka djegur për së gjalli me benzinë në kodrat e Dajtit.
NJOFTIMI:
Prokuroria Tiranë dërgon në gjyq 3 persona për Veprën Penale “Vrasje me dashje” kryer në bashkëpunim Prokuroria pranë Gjykatës së Shkallës së Parë Tiranë dërgon në gjyq të pandehurit, M. K., B. K., dhe G. N., të akuzuar për veprën penale “Vrasje me dashje” kryer në bashkëpunim të parashikuar nga neni 76-25 i Kodit Penal. Në përfundim të hetimit mbi procedimit penal nr.4682 të datës 21.06.2017, Prokuroria vlerësoi se personat e mësipërm në bashkëpunim me njëri tjetrin kanë kryer veprën penale “Vrasje me dashje’’ në dëm të viktimës M. K.. Më 16.05.2017 në vendin e quajtur Kodër Shupal, Zall-Bastar Tiranë u gjet një kufomë e seksit mashkull, i cili pas aktit të ekspertimit, u identifikua si shtetasi M.K. Nga hetimet e prokurorisë, rezultoi se shtetasja M. K., e punësuar si sekretare në një OJF ka pasur mosmarrëveshje të vazhdueshme me të ndjerin, në lidhje me financimin dhe menaxhimin e fondeve të shoqatës. Në 2017 djali i saj, shtetasi B.K. dhe miku i tij, i pandehuri G.N., me kërkesë të shtetases M.K., kanë marrë të ndjerin në makinë dhe e kanë transportuar në Kodër Shupal. Aty e kanë lidhur dhe ushtruan presion për kthimin e një borxhi që e pandehura M.K., pretendonte se i ndjeri i kishte. Në momentin që viktima ka mohuar borxhin dy personat i kanë vënë flakën. Shtetasi G.N., shfaqi pendesë dhe pranoi të bashkëpunojë me drejtësinë duke rrëfyer ngjarjen. Nga rrethanat dhe provat e administruara, gjatë fazës së hetimit paraprak rezultoi plotësisht e provuar se të pandehurit kanë konsumuar elementet e veprës penale “Vrasje me dashje” e kryer në bashkëpunim e parashikuar dhe e dënueshme nga neni 76-25.
