TIRANË– Kolegji Zgjedhor ka rrëzuar këtë të enjte padinë e grupimit të deputetit të Partisë Demokratike Enkelejd Alibeaj për mosregjistrimin e koalicionit Meta-Berisha në zgjedhjet e 14 majit. Alibeaj kishte kërkuar që të mos lejohet regjistrimi i këtij koalicioni që bashkë me partinë e Lirisë, PDK-në dhe PBDNJ, përmban edhe emrin e PD-së, duke shkelur ligjin me përdorimin e simbolit. Me këtë vendim koalicioni “Bashkë Fitojmë” do të vijojë garën për zgjedhjet lokale të 14 majit.
