TIRANË– Ministrja e Finanacave Delina Ibrahimaj gjatë një konference për mediat u ndal dhe tek bastet sportive. Ajo tha se do të hapen vetëm online dhe se ligji do të hidhet për konsultim publik javën e ardhshme e më pas do të kalojë në Kuvend.
Pyetje: A mund të najepni disa detaje në lidhje me ligjin e basteve?
Delina Ibtrahimaj: Ligji parashikon rihapjen e basteve online, jo të të gjitha basteve siç kanë qenë më parë. Ligji do të hidhet për konsultim publik javën e ardhshme. Më pas do të kalojë në Kuvend. Pra, do të ketë tryeze konsultimi me të gjitha grupet e interesit në mënyrë që të arrijmë me një draft ligjor sa më të konsoliduar dhe të parashikojë mbrojtjen sociale për ata kategori që janë të prekura nga ky ligj. Kjo në fakt ishte dhe arsyeja kryesore që e ndaluam këtë gjë.
