TIRANË– Kreu i grupit të Partisë Socialsite Taulant Balla u ndal tek dënimi i kryebashkiakut socialist të Kuçovës Kreshnik Hajdari ku tha se fton institucionet të hetojnë. Po ashtu ai u ndal dhe tek lajmet e qarkulluara në media për financim rus në Partinë e Lirisë, asokohe Lëvizja Socialsite për Integrim dhe u shpreh se për këtë Monika Kryemadhi duhet të japë llogari.
Gazetarët: Flasim pak për socialistët, Kreshnik Hajdari rezultoi i dënuar.
Taulant Balla: Të bëhet hetim. Kemi një ligj që ka efekt prapaveprues. Nuk jam thelluar në këtë rast, të lëmë institucionet të bëjnë punën. Kemi prirjen që çështja që edhe në rastin në fjalë është interes i madh publik. Ju mediat keni përgjegjësi që të tilla raste të mos i ndiqni me pëlqyeshmëri dhe anshmëri politike. është përgjegjësi kombëtare. Ju e mbani mend Panama Papers çfarë ndodhi me llogaritë e politikanëve në Panama. Në shumicën e vendeve, politikanët dhanë dorëheqjen por ajo që ndodhi ishte që organet ligjzbatuese kanë nisur hetimet. Kjo gjë ka të bëjë me transparencën, nuk dua të bëj prokurorinë, por mendoj që Kryemadhi dhe të tjerët duhet të dalin vetë në një komunikim publik të thonë kjo nuk është e vërtetë. Dhe shteti, a është prekur siguria kombëtare? Fakti që merr divident apo je aksioner atje ku janë miqtë e Putin, kjo është e rëndë.
Pyetje: Po për kolegun tuaj, Damian Gjiknuri a keni informacione se ka bashkëpunuar me rusët?
Taulant Balla: Kjo nuk është kurrë akuzë e bërë publike. Këto janë mashtrime të Berishës. Ka një media një media kombëtare që nuk ka një letër që të thotë këtë gjë. A që Sali Berisha, përdor skema që i ka bërë vetë. Po flisnim për Monika Kryemadhin, por ai është aq i zhytyr, sa këtu bëj thirrje për Lulzim Bashën. Biniatta Trade është rast homolog i kësaj tani. Sepse edhe atëherë janë përdorur llogari për offshore.
