TIRANË– Kreu i Prokurorisë së Posaçme Kundër Korrupsionit dhe Krimit të Organizuar (SPAK) Altin Dumani ka deklaruar këtë të premte se agjentët e Byrosë KOmbëtare të Hetimit kanë gjetur prova në vilat e sekuestruara të ish-ministrit Arben Ahmetaj që mund të vlejnë në hetimet që po kryen ndaj tij. Gjatë një takimi me gazetarët që mbulojnë gjyyqësorin Dumani tha se ekziston mundësiA thirrjes së Ahmetajt në SPAK ndërkohë nuk përjashtoi mundësinë që kemi të bëjnë me fshehje të pasurisë nga ish-numri dy i qeverisë.
Altin Dumani: Nuk i marrim leje kurrkujt e thërrasim këdo të jetë për ta marrë në pyetje, Arben Ahmetajn apo kushdo që të jetë. Kontrollet janë në dinamikën e hetimit ku grupi vlerësoi se në këto ambiente mund të gjendeshin prova. Kemi gjetur prova. Sekuestro është preventive, masë sigurie me qëllim me qëllim që mos tjetërsohet pronësia. Në verifikim është çdo gjë. Kemi nisur letërporosi në shumë shtete jo vetëm në një shtet, kërkon kohë, ka që janë përgjigjur ka që janë në proces, hetimi përfshin çdo gjë (përfshirë edhe mundësinë e fshehjes së pasurisë jashtë). Patjetër që do e thërrasim Ahmetajn, nëse do e shikojmë të nevojshme.
