TIRANË– Kryetari i Partisë Demokratike Sali Berisha ka bërë një deklaratë të fortë këtë të premte gjatë konferencës së përjavshme me gazetarët. Lideri dmeokrat u shpreh se ish-paraardhësi i ti Lulzim Basha është peng i disa dosjeve ku është i përfshirë në afera. Ndërsa shtoi se deputeti i PD Enkelejd Alibeaj fsheh vëllain kriminal. Sipas Berishës ai është arrestuar në vitin 2016 për grabitje me armë në Gjermani dhe se kishte letërnjoftim fals.
Pyetje: Në një kohë ku një çift nuk blen dot një shtëpi, mendoni se Opozita ka një farë përgjegjësie të largimit të qytetarëve, gjithashtu dhe për faktin që arenën politike e kanë mbizotëruar 3-4 figura?
Sali Berisha: Përçarja e Opozitës është pengmarrje, nuk është përçarje, gjërat duhet t’i quajmë siç janë. Lulzim Basha është marrë peng me dosjen e larjes së parave me 700 mijë dollarë. Ju e dëgjuat raportin. Paratë s’kanë asnjë lidhje me PD-në, janë të gjitha të Bashës. Raportet e CIA-s, siç thotë Rama sepse unë nuk e kam parë, thonë që janë para ruse. Lulzim Basha është skllav edhe i aferave të tjera, nuk është kjo dosja e vetme me të cilën mbahet peng. Skllavëria e tij është e gjatë, jua them unë me bindje e përgjegjësi të plotë. Enkelejd Alibeaj ka fshehur të vëllanë e tij kriminel, i arrestuar për pengmarrje me armë, edhe sot e kësaj dite nuk tregon se ku ndodhet, s’e di askush. Për këto rekorde kriminale ai mund të mos ishte zgjedhur kurrë deputet, gruaja e tij nuk do të ishte dot në gjykatë. Kjo nuk është shpikje këto janë të gjitha të bazuara në dokumente. Ky është një akt shumë i rëndë. Alibeaj kur ka një problem të tillë, ose e bën publike dhe e dënon e del mënjanë….por jo të mbahet peng. Nuk ndodh kjo, ke dëgjuar ti që i kanë përjashtuar nga Vettingu vetëm me një nip apo stërnip të akuzuar për diçka. Por ky ka vëllanë e ajo tjetra ka kunatin. Si kriminel atje duke vjedhur e plaçkitur me armë. Por ky e mban të fshehtë me Ramën. Si mund të bëhet kjo? Unë i përgëzoj të gjithë ata që u larguar. Ju thashë edhe njëherë mos mendoni që Lulzim Basha ka vetëm dosjen e larjes së parave, ka dhe shumë të tjera. Ndaj Opozita po bën thirrje që të firmoset ndryshimi.
Pyetje: Kush është vëllai i Alibeajt?
Sali Berisha: Në vitin 2016 u raportua se vëllai i Enkelejd Alibeajt, Taulant Alibeaj është arrestuar në Gjermani për grabitje me armë. Pas arrestimit, siç u raportua në atë kohë, ai u është prezantuar autoriteteve vendase si një efektiv policie në Shqipëri, duke dorëzuar një dokument që ka rezultuar i falsifikuar me emrin Xhavit Mornica. Policia gjermane ka kërkuar informacion nga homologët shqiptarë, të cilëve u ka nisur fotografinë dhe shenjat e gishtave. Pasi u verifikuan këto të dhëna nga Drejtoria e Përgjithshme e Policisë rezultoi se ai person në fakt ishte Taulant Alibeaj dhe se ka qënë pjesë e uniformave blu deri në Qershor të vitit 2013 kur edhe është larguar me dëshirë. Ai ka qënë pjesë e Repartit Special “RES”. Vetë Taulant Alibeaj ka mohuar gjithçka, duke u shprehur se nuk ka asnjë problem me drejtësinë gjermane. Të njëjtit version i ka qëndruar edhe deputeti Enkelejd Alibeaj.
