KAVAJË– Janë publikuar pamjet e përplasjes së Sali Rexhës dhe Armand Gosës, të cilët vranë njëri-tjetrin dy ditë më parë në Kavajë. Pamjet janë siguruar nga gazetarja Klodiana Lala. Në video shihen dy viktimat duke debatuar me njëri-tjetrin ndërsa mes tyre për ti ndarë futen disa kalimtarë të rastit pët ti ndarë. Edhe më tragjike e bën ngjarjen vajza e mitur e Sali Rexhës, e cila përdore me të atin pa të gjithë ngjarjen e tmerrshme. Ajo gjendet mes të atit dhe Gosës teksa ata shtyjnë njëri-tjetrin e deri kur vendosin të nxjerrin armët.
Nga dëshmitarët e ngjarjes, mësohet se sherri ka nisur me “çfarë ke që me sheh?”. Mësohet se Sali Rexha ka nxjerrë armën tip pistoletë dhe ka qëlluar në drejtim të Gosës, ky i fundit me plagë në trup ka nxjerrë thikën dhe e ka qëlluar shtatë herë në kraharor Rexhën. Të dy ndërruan jetë për shkak të plagëve të marra dhe hemoragjisë.
