TIRANË– Marrja e abonesë së studentit është kthyer në një mision të pamundur për studentët e kryeqytetit. Dhe këtë fundmuaji është parë një kaos në pikat e shitjes, studentë që prisnin në radhë për orë të tëra për të marrë një shërbim që u premtua me të madhe por në zbatimin ka “ngecur”.
Për ndarjen e pikave të shitjes së abonesë së studentit momentalisht në Tiranë janë vetëm dy pika, njëra tek 9-katshet tek stacioni i urbanit të Kasharit dhe një tjetër në fillim të Rrugës së Kavajës. Në këto dy pika janë hasur rradhë të gjata pritjeje dhe këtë e dëshmojnë dhe fotot e mëposhtme. Studentët shprehen se për të pritur në rradhë për të marrë abonenë kanë lënë orët e mësimit e disa të tjerë punën.
Fluksi vjen si pasojë e mungesës së pikave të shpërndarjes të cilat duhet të ishin të lokalizuara në disa zona në kryeqytet që jo të gjithë studentët të drejtoheshin tek vetëm dy pika duke shkaktuar dhe këtë kaos, rradhë të gjata dhe mungesë shërbimi që siç thonë studentët shpeshherë mbarojnë abonetë dhe detyrohen të kthehen sërish të nesërmen për të mbajtur sërish rradhë e duke lënë mësimin dhe punën.
Akoma më mirë do të ishte që strudentët ta merrnin këtë shërbim në fakultetet ku studiojnë. Të procedohet në të njëjtën mënyrë që u bë dhe aplikimi për kartën e studentit që mes “shumëllojshmërisë” së produkteve ato më kryesoret që ndihmojnë ata mungojnë. Këto salla të përdoren për marrjen e abonesë. Kjo do të shmangte rradhët e gjata në diell e në shi të studentëve, lënien e orëve të mësimit dhe punës në ktë kohë krize që më të pambropjtur përballë rritjes së çmimeve janë studentët, të cilët siç thonë dhe shifrat zyrtare zgjedhin të largohen nga vendi./Newszone
