GREQI– Detaje të reja kanë dalë në dritë nga ngjarja e rëndë e ndodhur disa ditë më parë në Greqi ku 25-vjeçari shqiptar qëlloi me dy plumba pas kokës partneren e tij Kristjana Brakja. Ai është rrëfyer para togave të zeza ku ka dhënë dhe më shumë detaje në lidhje me krimin e rëndë. Ai ka mbërritur në Gjykatën e Pireut pak pas orës 10:30 të mëngjesit nën masa të rrepta sigurie dhe ka qëndruar në zyrën e hetimit për më shumë se 2 orë.
Prokurori e ka akuzuar për vrasje me dashje në gjendje të vetëdijshme, ndërsa avokati i shqiptarit në deklarimet e tij ka theksuar se 25-vjeçari është i penduar dhe i dërrmuar nga përfundimi tragjik.
“Ai kërkoi dhe iu dha një afat për të kërkuar falje. Më ka shprehur pendimin për krimin. Ai është i shkatërruar. Nuk do të doja të bëja një deklaratë të parakohshme nëse klienti im ka qenë apo jo nën përdorimin e drogës”, avokati i shqiptarit, Christos Divanidis. Sipas informacioneve, 25-vjeçari pretendon se mes tij dhe të dashurës, Kristjana Brakja, ka pasur sherre dhe shpërthime xhelozie ndërsa një prej këtyre sherreve përfundoi në tragjedi për vajzën. Ai mësohet të jetë shprehur para togave të zeza se ka qenë një mesazh në telefonin e vajzës që ka bërë që ai të humbasë toruan dhe ta çojë drejt vrasjes.
Pas krimit të rëndë 25-vjeçari është vetëdorëzuar më Polici ku dhe ka rrëfyer ngjarjen e rëndë. Ai e qëlloi partneren e tij pas shpine me dy plumba në kokë duke i shkaktuar vdekjen e menjëhershme. Pas krimit ai futi armën e zjarrit në frigorifer. Para uniformave të Policisë dhe para togave të zeza ai ka rrëfyer se krimin e ka kryer për shkak të xhelozizë që kishte ndaj Brakajt, e cila punonte në një klub nate. Çifti kisin kohë që grindeshin me njëri-tjetrin deri atë mbrëmje kur gjithçka përfundoi në tragjedi
