TIRANË– Me hyrjen e saj në Big Brother Vip Albania për herë të dytë pas daljes duket se Efi Dhedhes ia doli që të marrë sërish gjithë vëmendjen e mediave rozë dhe jo vetëm. Por Efi gjatë kësaj kohe nuk ka qëndruar në heshtje. Bukuroshja seksi e ekraneve ka qenë në fokusin e ‘blicave’ të aparatit dhe syve kritik të medias për lidhjen e saj shumë të përfolur.
E ftuar në emisionin ”Më lër të Flas” me vëllezërit Donald dhe Romeo Veshaj, Efi i ka hedhur ”benzinë zjarrit” duke lënë shumë dyshime. Newszone ishte e para media që publikoi lajmin për lidhjen e Eit me një drejtor të bashkisë së Tiranës, i cili dyshohet se e ka shoqëruar dhe në pushimet e saj në Tajlandë pasi zërat thonë se ajo nuk ka qenë vetëm me Mikelën, miken e saj të ngushtë.
Ton Leka dyshohet të jetë djali mistrerioz deri më tani që ka vjedhur zemrën rebele të Efit. Drejtori i bashkisë së Tiranës ia ka dalë mesa duket të fitojë dashurinë e Efit dhe pse kjo e fundit e mohoi të ketë lidhje pasi tha se janë miq të mirë. Por kjo mbetet për tu zbuluar pasi siç thotë populli ”ku ka zë, nuk është pa gjë”.
