LIBRAZHD– Një aksident i rëndë me pasojë vdekjen e një çifti bashkëshortësh është regjistruar mbrëmjen e djeshme në aksin rrugor Librazhd-Prrenjas.
Raportohet se 55 vjeçari i identifikuar me inicialet A.Y duke drejtuar automjetin tip “Volkswagen”, ka humbur kontrollin mbi drejtimin e automjetit dhe për pasojë automjeti ka dalë nga rruga dhe ka rënë në përroin e Lengajcës.
Policia bën me dije se mjeti dyshohet se ka rënë në përrua gjatë natës, ndërkohë që ende po punohet për nxjerrjen e trupave nga lumi.
NJOFTIMI I POLICISË:
Rreth orës 07:45, në aksin rrugor “Librazhd-Prrenjas”, shtetasi A. Y., rreth 55 vjeç, banues në Devoll, duke drejtuar automjetin tip “Volksëagen”, ka humbur kontrollin mbi drejtimin e automjetit dhe për pasojë automjeti ka dalë nga rruga dhe ka rënë në përroin e Lengajcës. Nga ky aksident kanë humbur jetën shtetasi A. Y. dhe bashkëshortja e tij, shtetasja M. Y., rreth 50 vjeçe, e cila ishte pasagjere në këtë automjet. Shërbimet e Policisë dhe ato të Zjarrfikëses ndodhen në vendin e ngjarjes dhe vijojnë punën për nxjerrjen e trupave të të 2 shtetasve që ndodheshin në automjet. Grupi hetimor vijon punën për zbardhjen e plotë të rrethanave të këtij aksidenti.
