TIRANË– Ngjarjet e fundit kriminale që tronditën vendin muajin e shkuar si masakra e Don Boskos dhe sulmi me armë zjarri në Top Channel kanë bërë që Drejtori i Përgjithshëm i Policisë së Shtetit Muhamet Rrumbullaku të ‘zbarkojë’ në Policinë e Tiranës dhe të takojë kryepolicin e kryeqytetit Tonin Vocaj.
Raportohet se në këtë takim po diskutohet ecuria e hetimeve mbi dinamikën e ngjarjeve kriminale, ku dyshohet se pas tyre bëjnë pjesë grupe kriminale me ndikim të lartë. Pjesë e diskutimit do të jetë edhe ngërçi i shkaktuar për moszbardhjen e këtyre ngjarjeve, ndërsa në takim janë edhe ekspertët e krimeve që po punojnë për zbardhjen e tyre.
