TIRANË– Kryeqyteti është dekoruar me flamuj kuq e zi dhe të BE-së ditën e sotme në pritje të nisjes së Samitit të Bashkimit Europian, i cili për herë të parë do të mbahet në Shqipëri. Në bulevardin ‘Dëshmorët e Kombit’ shihen flamujt e BE-së të lidhur në frtmë fjongo me atë shqiptar. Ndërsa në të dyja anët e rrugës janë vendosur foto të personaliteteve të njohura, për Shqipërinë Ismail Kadare dhe Josuf Vrioni. Ndërsa nga ana tjetër ishin vendosur fotot e liderëve të huaj, që kanë shkuar histori: Helmut Kohl, Jean Monnet, Charles de Gaulle, Altiero Spinelli.
E gjitha, gati për nëser pasi aktiviteti nis në orën 10:15, me mbërritjen e delegacioneve dhe pritjen zyrtare. Në orën 11:45 është planifikuar fotoja zyrtare. Në 12:15 programi vijon me seancën plenare dhe drekën e punës dhe në orën 14:30 me konferencën për shtyp.
