DURRËS– Nuk ka të lënduar nga atentati me eksploziv në aksin rrugor Shkozet-Durrës ku një makinë tip ‘Golf’ në pronësi të Aldi Mustafës shpërtheu në ecje e sipër. Në një reagim për mediat policia bën me dije se Mustafa, 37 vjeç ka qenë i vetëm në mjet dhe nuk ka marrë lëndime. Lënda plasëse ishte vendosur në gomën e pasme nga ana e pasagjerit. Grupi hetimor i ngritur nga blutë e Durrësit po heton për zbardhjen e plotë të rrethanave të ngjarjes.
NJOFTIMI I POLICISË:
Rreth orës 14:00, në aksin rrugor Shkozet – Durrës, në automjetin në lëvizje, që drejtohej nga shtetasi A. M., 37 vjeç (i vetëm në automjet), në gomën e pasme, në krahun e pasagjerit, dyshohet se ka shpërthyer lëndë eksplozive. Nga shpërthimi i lëndës eksplozive nuk ka persona të dëmtuar, por vetëm dëme materiale. Në vendngjarje shërbimet e Policisë dhe grupi hetimor po vijojnë punën për zbardhjen e rrethanave të kësaj ngjarjeje.
