DURRËS– Aldi Mustafa i shpëtoi mrekullisht një atentati me lënde eksplozive ndaj tij pasditën e kësaj të hëne. Ai ishte duke udhëtuar me mjetin e tij tip “Golf” në aksin rrugor Shkozet-Durrës ku makina shpërtheu. 37-vjeçari ishte i vetëm në makinë në momentin e shpërthimit. Policia e Durrësit bën me dije se lënda plasese ishte vendosur në gomën e pasme të mjetit nga ana e pasagjerit. Shpërthimi ishte i fuqishëm pasi pjesët e makinës janë përhapur në zonën përreth vendit ku ndodhi ngjarja.
Po kush është Aldi Mustafa dhe e shkuara e tij e errët.
Aldi Mustafa nuk ështe emër i panjohur për Policinë. Ai u arrestua në vitin 2021 pasi kishte planifikuar atentatin e një personi. 37-vjeçari njihet për miqësinë me Aleksandër Lahon ose siç njihet Rrumin e Shijakut, i cili ishte në të njëjtën makinë me prokurorin Arian Ndoja gjatë atentatit të 1 nëntorit të vitin 2019, ku mbeti i plagosur ndërsa shoferi i Ndojës ndërroi jetën për shkak të plagëve të marra nga breshëria e plumbave. Mustafa ka qenë i dënuar i dënuar me 10 vit burg në Gjermani për kanosje dhe drogë. Në vitin 2021, Aldi Mustafa u arrestua nga Policia së bashku me dy persona të tjerë, pasi dyshohej se do të kryenin një vrasje.
