MAT– Afrim Xhetani, 52 vjeç është vënë në pranagt e policisë këtë të martë pasi pas kontrollit të policisë në banesë iu gjetën dy armë gjahu dhe një pistoletë. Arrestimi i tij u bë në flagrancë pas informacioneve të marra në rrugë informative nga blitë e Matit për arsenalin e armëve që 52-vjeçaei mbante në banesë.
NJOFTIMI I POLICISË:
Mat/ Finalizohet operacioni policor i koduar “Derjan”, për goditjen e një rasti të mbajtjes pa leje të armëve të zjarrit. Operacioni, falë inteligjencës informative si rezultat i të cilit u arrestua në flgrancë 52-vjeçari, si dhe u sekuestrua një armë zjarri pistoletë dhe dy armë gjahu. Shërbimet e Komisariatit të Policisë Mat, bazuar në inteligjencë informative se një shtetas posedonte armë zjarri pa leje, kanë organizuar dhe finalizuar operacionin policor të koduar “Derjan ”, si rezultat i të cilit u arrestua në flagrancë shtetasi: A.Xh., 52 vjeç, banues në fshatin Derjan, Mat. Shërbimet e Policisë i gjetën të fshehura një armë zjarri pistoletë dhe dy armë gjahu ‘Çifte’, të cilat u sekuestruan në cilësinë e provës materiale. Materialet procedurale i kaluan Prokurorisë pranë Gjykatës së Rrethit Gjyqësor Mat, për veprime të mëtejshme.
