TIRANË– Kryeministri Edi Rama ka pritur sot në një takim përfaqësuesin e Bankës Botërore në Shqipëri, Emanuel Salinas me të cilin zhvilloi dhe një konferencë të përbashkët për mediat. Gjatë fjalës së tij kreu i qeverisë shqiptare u shpreh se vendi ynë ka hyrë tashmë në një fazë të re ekonomike, duke renditur zhvillimet në disa sektorë, që nga turizmi, bujqësia, eksportet dhe importet.
Edi Rama: Jemi në fazë të re ekonomike. Po ju jap shumë pak shifra për të ilustruar se çfarë thashë. Mbani parasysh se të ardhurat për banorë në vit për Shqipëri janë rritur nga 3 mijë e 300 euro në 6 mië e 990 euro sot. 87.5%, gati dyfish. Për të mos bërë krahasime të tjera, po bëjmë vetëm me veten dhe me me vitin para krizës së madhe të pandemisë dhe të gjithë atyre që pasuan. Eksportet në Shqipëri, në vitin 2022 kanë arritur shifër rekord 4.4 miliard euro, pra këtu ku të gjithë ikin, ka vetëm pleq. Në 2022, 57% më shumë se në 2019, falë punës dhe njerëzve të punës. Falë konkretizimit të të gjithë përpjekjeve që kemi bërë në mbështetje të sipërmarrjes dhe për të hapur rrugë të reja. Eksportet bujqësore janë rritur, kanë prekur shifrën rekord gjysëm miliardi dollarë. Të ardhurat vjetore nga turistët e huaj, 36% më shumë se në 2019, numri i tyre preku 7.5 milionë. Rriten të ardhurat 2 herë më shumë se numri i vizitorëve. Është rritur numri i ditëve të qëndrimit, është rritur konsumi i tyre. Të ardhurat nga eksporti i shërbimeve në IT në 2022, 156 milionë euro. 62% krahasuar me 2019. Invesimet e huaja direkte në 2022 janë rritur 29% krahasuar me vitin 2019. 1.7 miliard që është shifra më e lartë e arritur ndonjëherë. Rritja ekonomike pastaj në shifra, në fund dua të falenderoj Bankën Botërore dhe për këtë proces që kemi kurorëzuar tani. Është procesi më i thelluar, më jo konvencional që kemi realizuar. Do të stimulojnë energji të reja zhvilluese.
Kanë qënë shumë aktivë kanë ndihmuar dhe me sygjerime dhe me rezervat që kanë pasur në proces, edhe me kundërshtitë derisa kemi arritur të kemi një kornizë të cilën drejtori do ti japë shpjegimet tani
