TIRANË– Përfaqësuesi i Bankës Botërore në Tiranë Emanuel Salinas gjatë konferencës për mediat krah kryeministrit Edi Rama u pyet nga gazetarët në lidhje me Amnistinë Fiskale të propozuar nga qeveria. Salinas tha se po punojnë ngushtë me ministrinë e Financave për amnistinë fiskale, e shtoi se të tjerët që kanë dalë kundër, duhet të shohin çështjen në një tablo më të madhe. Ai u shpreh se qeveria ka qenë produktive dhe e hapur dhe se ato kanë dhënë sugjerimet dhe këshillat e tyre.
Emanuel Salinas: Po punojmë ngushtë me ministrinë e Fiannacave. Duhet ta shohim në tablo më të gjërë. Kjo ka të bëjë me qëndrueshmërin fiskale. Kur shohim trajektoren e Shqipërisë shohim që janë bërë shumë projekte për të trajtuar çështje me të cilat vendi përballet shpesh. MF kërkon që të shohim tablonë më të gjerë. Ky është një element, pjesa e dytë e bashkëpunimit është përqëndruar tek menaxhimi i borxhit. Duhet të marrim parasysh të ardhurat dhe shpenzimet. Kur sheh numrin e goditjeve që Shqipëria ka përballuar, kuptojmë se ka dalë në një mënyrë më të mirë të mundshme se vendet e tjera në rajon. Kështu që mendoj se duhet të shohim në mënyrë konstante këtë tablo më të gjerë. Dialogu që kemi me qeverinë është shumë i hapur. Ne shprehim sugjerime dhe këshillat tona që janë në më të mirën e njohurive teknike dhe do të punojmë për të zbatuar. Për mua e rëndësishme është të shihet tabloja e gjerë. Unë mendoj se është bërë punë mjaft e mirë.
