TIRANË– Një i burgosur në burgun 302 në Tiranë ka humbur jetë në rrethana ende të paqarta këtë të martë. Bëhet fjalë për Roland Tahirin, 38 vjeç. Syri Tv shkruan se rrethanat e ngjarjes së rëndë e cila nuk është raportuar zyrtarisht nga autoritetet mbeten të paqarta. Ai ishte arrestuar të premten e kaluar për vjedhje, ndërsa familjarët nuk janë lejuar ta takojnë gjatë fundjavës me pretekstin se nuk lejoheshin takimet.
Të shtunën thonë burime jo zyrtare ka ndërruar jetë, teksa familjarët thonë se ka ndodhur brenda qelisë. Ndërkohë nga ana tjetër, autoriretet pretendojnë se janë ndjekur të gjitha procedurat standarte përfshirë edhe ofrimin e ndihmës shëndetësore. Ai ra në pranga për vjedhjen e një biçiklete, teksa njihet në zonën e “Brrakës” ku jetonte si konsumues të narkotikëve. Disa herë ishte përballur me drejtësinë për vepra të tilla, për shkak se në shumicën e rasteve, i kryente për të siguruar para që të blinte drogën. Familjarët pretendojnë se janë njoftuar vetëm të hënën (dy ditë pas ngjarjes), për vdekjen e tij, ndërsa hapën dyert e mortit.
