TIRANË-Partia Socialiste i ka kërkuar sërish këtë të martë Prokurorisë së Posaçme Kundër Korrupsionit dhe Krimit të Organizuar që të hetojë deputeten e Partisë së Lirisë Monika Kryemadhi për akuzat se ajo gjatë kohës që ishte në krye të ish-Lëvizjes Socialistet për Integrim ka marrë para nga kompani ruse. Gjatë fjalës së tij nga selia rozë deputeti Petro Koçi tha se për të shpëtuar nga kjo Kryemadhi shantazhon median.
Petro Koçi: A është ajo aksionere me këto oligarkë rusë në kompanitë offshore. Si mundet që një ligjvënëse të përfshihet në marrëdhënie biznesi me oligarkë rusë? Si mund ta bëjë këtë gruaja e ish presidentit? Kryemadhi duhet t’i deklarojë këto. Kryemadhi gjen si rrugëdalje kërcënimet dhe shantazhet ndaj mediave. PS i bën thirrje drejtësisë të shkojë deri në fund e mbi të gjitha për raportet e biznesit me oligarkët rusë.
