TIRANË– Autoriteti Rrugor Shqiptar këtë të mërkurë ka dhënë informacion në lidhje me situatën e shkaktuar nga moti i keq me reshje të dendura dëbore që kanë përfshirë zonat malore. Përmes një postimi në rrjetet sociale ARRSH bën me dije se rrugët janë të hapura dhe po punohet me hedhjen e kripës në zonat ku ka prezencë dëbore.
POSTIMI:
Gjatë natës temperaturat kanë qenë në vlera negative në zonat malore shoqëruar me reshje dëbore në lartësinë mbi 700m. Është punuar me mjete borëpastruese dhe me shpërndarjen e kripës për të evituar ngricat. Rrugët janë të hapura dhe qarkullimi kryhet pa probleme.
