TIRANË– Gentian Talja, 46-vjeçari, i cili u plagos në një konflikt që ndodhi 5 ditë më parë në rrugën ‘Vaso Pasha’ në kryeqytet ka ndërruar jetë në spital. Blutë e Tiranës bëjnë me dije Henri Gjapi u konfliktua me 46-vjeçarin Gentian Taljan, duke e goditur me mjet të fortë. Më pas, në konflikt ka ndërhyrë edhe Artur Gjolena, duke e goditur edhe ai Taljan, i cili mori dëmtime dhe plagë të shumta në trup e kokë. Policia ka shpallur në kërkim Gjapin ndërsa ka nisur hetimet për Gjapin.
NJOFTIMI I POLICISË:
Specialistët për Hetimin e Krimeve të Komisariatit të Policisë Nr. 2 kanë referuar materialet në Prokurori, për shtetasin A. Gj., 41 vjeç, dhe kanë shpallur në kërkim shtetasin H. Gj., 25 vjeç, të dy banues në Tiranë. Më datë 31.03.2023, në rrugën “Vaso Pasha”, shtetasi H. Gj. është konfliktuar me shtetasin G. T., 46 vjeç, i cili për shkak të dëmtimeve është dërguar në spital, për ndihmë mjekësore. Gjatë këtij konflikti, ka ndërhyrë edhe shtetasi A. Gj., i cili ka goditur shtetasin H. Gj. Si pasojë e dëmtimeve, 46-vjeçari ka ndërruar jetë në spital, ditën e djeshme. Vijon puna për kapjen e shtetasit H. Gj.
