TIRANË– Ministrja e Infrastrukturës dhe Energjisë njëherazi dhe zëvendëskryeministre Belinda Balluku ka folur sot pas mbledhjes së qeverisë në lidhje me vendimin e Arbitrazhit për çështjen ‘Becchettin’ ku shteti shqiptar duhet tii paguajë 110 milionë euro biznesmenit italian. Balluku tha se ky vendim nuk do ndikojë aspak për rritjen e pensioneve duke shtuar se një shtet ka të drejtë që edhe mos ta marrë parasysh vendimin e gjykatës.
Belinda Balluku: Në rritjen e pagave dhe pensioneve nuk e ndikon asgjë. Më vjen keq që ndjej nota kënaqësie në vendimin e Arbitrazhit. Nuk jemi ajo forcë që dalim themi e del një vendim gjyqi që na e ndryshon. Shtetet kanë të drejtë të mos marrin parasysh vendimet e Eksidit. Nuk ka shans që Shqipëria të merret peng nga një kriminel i këtij niveli.
