TIRANË– Zamira Durda, nëna e 7-vjeçarit që humbi tragjikisht jetën pas shpërthimit të fabrikës së demontimit të armëve në Gërdec ka kërkuar këtë të enjte që e gjithë struktura e Prokurorisë së Posaçme (SPAK) të shkarkohet. Gjatë fjalës së dsaj për mediat pas daljes nga seanca Durda ka folur për vendim e marrë sot nga Gjykata e Posaçme, e cila kaloi dosjen për gjykim për ish-Ministrin e Mbrojtjes Fatmir Mediu për akuzën e shpërdorimit të detyrës. GJKKO vendosi që familja të mos pranohet si palë në gjykim. Zamira Durda u shpreh se do të vijojë betejën e saj për drejtësi.
Zamira Durda: Zamira nuk është e kënaqur me këtë veprim që këta bënë, është e turposhme. Unë do të drejtohem në KLP dhe KLGJ. Duhet të shkarkohet SPAK-u i gjithë. Është e turpshme, vetëm për të zezën e tyre e kanë. Beteja vazhdon se në të dyja institucionet unë do të bëj ankimimin.
Dorian Matlija: Ne nuk ishim pjesë e procsit, nuk jemi informuar, por jo zyrtarisht kemi marrë vesh që Gjykata ka vendosur të mos e legjitimojë praninë e familjarëve të viktimave në proces. Do të shohim arsyetimin, e vetmja arsye që kuptojnë deri tani ësht se sipas prokurorisë, akuza në fjalë është se nuk ka lidhje me shpërthimin. Nëse është ky arsyetimi, kanë të drejtë, në të kundërt do të vijohet me praninë e familjarëve. Është shkelur një standart shumë i rëndë. Ne do të jemi prezent në seancën e ardhshme që është me dyer të hapura dhe nuk na e mohon askush këtë gjë. Pjesë më e rëndësishme për ne në këtë moment që flasim është që i gjithë ky proces do të shkojë përpara vetëm me familjarët, nuk ka si të ndodhë ndryshe.
