TIRANË– Kryekomisioneri i Zgjedhjeve Ilirjan Celibashi ka pritur këtë të enjte në një takim shefen e OSCE/ODHIR, Audrey Glover, e cila do të monitorojë zgjedhjet e 14 majit. Përmes një postimi në rrjetet sociale kreu i KQZ-së ka zbuluar detaje nga takim me shefen e OSCE/ODHIR, duke bërë me dije se fokusi ishte tek përgatitjet për zgjedhjet lokale të 14 majit.
POSTIMI:
Mikpritëm sot në KQZ Shqipëri, Shefen e Misionit të OSCE/ODHIR, Ambasadoren Audrey Glover dhe ekipin e saj, të cilët i njohëm me përgatitjet e zgjedhjeve vendore, si edhe sfidat e deritanishme. Me ekipin e OSBE/ODIHR, theksova se garantojmë transparencën e plotë të KQZ dhe zbatimin strikt të ligjshmërisë. Ambasadorja Glover vlerësoi informacionin paraprak, prezantoi planet për vëzhgimin e zgjedhjeve dhe nënvizoi rëndësinë e këtij procesi zgjedhor për Shqipërinë.
