SHIJAK– Altin Farruku, 33 vjeç ka mbetur i plagosur me thikë mbrëmjen e kësaj të enjteje në fshatin Borakë të Shijakut. I riu ishte thirrur në vendin e ngjarjes nga kushëriri i tij, i cili kishte një konflikt me fqinjin e tij por mbërritja aty i ka kushtuar shtrenjtë të riut, i cili shkoi për të shuar sherrin por mbeti vetë i plagosur.
Policia bën me dije se me mbërritjen e tij në vendin e ngjarjes 46-vjeçari i identifikuar me inicilaet K.G i ka ngulur thikën Farrukut, i cili është dërguar menjëherë në spital. Ai ndodhet në kujdesin e bluzave të bardha. Policia është vënë në ndjekje të autorit pasi pas ngjarjes ia ka mbathur.
NJOFTIMI I POLICISË:
Rreth orës 20:25, në fahatin Borakë, Shijak, dyshohet se gjatë një konflikti për motive të dobëta, shtetasi K.G, 46 vjeç dyshohet se ka plagosur me mjet prerës thikë shtetasin A. F., 33 vjeç, i cili ndodhet në spital, nën kujdesin e mjekëve. Menjëherë, shërbimet e Policisë kanë mbërritur në vendngjarje dhe po bëjnë krehjen e zonës për kapjen e autorit. Vijon puna për dokumentimin e plotë të kësaj ngjarjeje.
