TIRANË– Kryeministri Edi Rama pas mbledhjes së qeverisë ku deklaroi dhe rritjen e pagave për administratën publike u shpreh se qeveria do të detyrojë dhe privatin të ndjekë të njëjtën skemë. Po ashtu Rama bëri me dije se ka nisur një proces komunikim me sipërmarrjen private për mbrojtjen e kapitalit njerëzor.
Edi Rama: Është një proces i ndërthurur sepse rritja e pagave në sektorin publik rrit patjetër dhe aftësinë e sektorit publik për të thithur burime njerëzore më të kualifikuar. Nga kjo sektori privat do të jetë i detyruar të rrisë pagat. Sot pagat në sektorin privat po rriten me shpejtësi. Sot jemi në një situatë ku kemi filluar një proces komunikimi me sipërmarrjen private për të sensibilizuar sipërmarrësit lidhur me domosdoshmërinë, e mbrojtjes së kapitalit njerëzor. Ne jemi optimistë dhe shikojmë shenja pozitive nga sektorët private. Natyrisht do të marrim dhe masa tjera. Për ne nuk është vetëm rritje pagash por dhe mbrojtje e punonjësve dhe punëtorëve në kompani të ndryshme nga shfrytëzimi.
