TIRANË– Kryetari i Partisë Demokratike Sali Berisha i është përgjigjur sërish këtë të premte deklaratave të bëra nga ambasadorja amerikane Yuri Kim në lidhje me drejtimin e PD nga ai. Gjatë konferencës së përjavshme me gazetarët Berisha tha se Kim po shkel ligjin duke ndërhyrë në zgjedhje. Po ashtu lideri demokrat u shpreh se në lidhje me deklaratat e bëra nga diplonmatja amerikane ka pyetur dhe i inteligjencën artificiale ChatGPD dhe ka marrë një përgjigje dhe aty. Ai deklaroi se është i bindur në fitoren e demokratëve më 14 maj, ditë kur do të mbahen dhe zgjedhjet vendore për të zgjedhur qytetarët e parë të bashkive të vendit.
Sali Berisha: Ajo që mund të them unë është se përpjekjet e guvernatores për asgjesimin e PD-së. Për emërimin në krye të kësaj partie, ekspoentët të lidhur në palcë me krimin nuk janë asgjë tjetër veçse dëshmi se kjo ka funksionuar si anëtare e ekipit të McGonigal me fustan. Kjo ka përdorur pushtetin që i jep përfaqësimi i SHBA si ambasadore kundër opozitës demokratike të një vendi anëtar të NATO-s. Nuk po them asnjë të re se i kam thënë të gjitha. Deklaratës së fundit i kam dhënë përgjigje. Gjykova se ishte e nevojshme por tani kam vetëm një shtesë, njerëzit që përdorin gjuhë me zjarre me kështu ata kanë probleme me veten e tyre. Pra një fjalor i tillë është për njerëz në ethe kur të kapin ethe të fortë. Pyeta disa herë edhe Chat GPD çfarë do të thotë ky fjalor dhe më dhanë këtë përgjigje, se unë jam edhe mjek, po prapë të thashë se të bëj një check up. PD po ecën e sigurtë në fitore. E paralajmëroj se ndërhyrja në fushatë elektorale është krim, nuk duhe të ndërhyrë. Unë e kuptoj që mund të dalë ndonjë deklaratë nga KQZ që është nuk është por për mua është fushatë.
