TIRANË– Është shtyrë sërish seanca gjyqësore në Gjykatën e Posaçme Kundër Korrupsionit dhe Krimit të Organizuar (GJKKO) për inceneratorin e Elbasanit. Raportohet se këtë herë shkka është bërë mosnjoftimi i një prej të pandehurve, konkretisht e Jonida Zeqos, anëtare e Komisionit të Vlerësimit të Ofertave. Ajo zyrtarisht ndodhet nën masën e sigurisë “Arrest shtëpie” por këtë të premte për herë herë të dytë autoritet nuk e kanë gjetur në adresën përkatëse, ndaj nuk kanë mundur që ta njoftojnë dot që të jetë e pranishme në sallën e gjyqit.
Hetimet për incenerastorin e Elbasanit janë mbyllur nga Prokuroria e Posaçme Kundër Korrupsionit dhe Krimit të Organizuar (SPAK). Të pandehur janë marrë ish-ministri i Mjedisit Lefter Koka, ish-deputeti Alqi Bllako, Mirel Mërtiri, Klodian Zoto, Stela Gugallja, Pëllumb Abeshi, Etleva Kondi, Jonida Zeqo , Bardhyl Çabiri, Serafin Papa. Të arrestuar janë vetëm katër prej tyre, Lefter Koka, Alqi Bllako, Pëllumb Abeshi dhe Byrdhyl Çabiri, ndërsa të tjerët janë lënë në arrest shtëpie. Mirel Mërtiri, Klodian Zoto dhe Stela Gugallja janë ende në kërkim.l
