TIRANË– Kryetari i Partisë Demokratike Sali Berisha ka akuzuar kryeministrin Edi Rama këtë të hënë se i ka dhënë me dhjetëra tendera publikë baxhanakut të tij. Gjatë një komunikimi live në Facebook me qytetarët Berisha bëri një deklaratë të fortë ku tha se bashkëshortja e kryeministrit Linda Rama ka kapur prokurorë dhe u ka kërkuar ‘llogari’ se pse nuk e arrestojnë Sali Berishën. Po ashtu ai hodhi akuza dhe ndaj vëllait të Ramës, Olsi Rama për të cilin tha se është ortak me Amant Josifin dhe qëndron pas tij si mburojë për vjedhjen e 2.2 miliardë euro të qytetarëve europianë nëpërmjet call centër-ave.
Sali Berisha: Vetëm tenderat e baxhanakut të Edi Ramës, një Fangu, janë me dhjetëra, në mos qindra deri më tani.Pas Fangut, Olsi Rama, i vëllai i kryeministrit, ortaku i Amant Josifit, qëndron mburoja e vjedhjes 2.2 miliard eurove të qyetarëve europianë. Për dijeni, Amanti e ka mamanë drejtoreshë ër shërbimit civil dhe nuk guxon ta prekë kush se ka mbështetjen e ortak-Olsit. Olsi është njeriu që mori përsipër të zhvillojë Spitallën me një kompani kineze, që doli të ishte kompani që merrej me menaxhimin e azileve. Nuk mbetet mbrapa thjeshtra. Unë e di se zonja Rama tërbohet dhe humbet kontrollin dhe kap prokurorët si guvernatorja se pse nuk arrestojnë Sali Berishën. Problemi i thjeshtrës është se vrapon pas tenderave në mënyrë të paligjshme. Nuk ka pse shtrin duart familja Rama. Asnjë pjesëtar i familjes nuk mund të marrë pjesë në prokurime, direkt apo indirekt. Asnjë prej tyre nuk mund të përfitojë nga koncesionet. Megjithatë, këta do përgjigjen para ligjit një ditë.
