TIRANË– Ministri i Drejtësisë Ulsi Manja ka shpjeguar këtë të martë ndryshimet e parashikuara në Policinë e Burgjeve. Para deputetëve që janë anëtarë të Komisionit të Ligjeve Manja ka deklaruar se ndryshimet përfshijnë që nga mbajtja e armës nga ana e efektive njësoj si kolegët e tyre të Policisë së Shtetit. Po ashtu Manja u shpreh se efektivët e Policisë së Burgjeve të kenë mundësi të përfitojnë kredi të buta për strehim dhe forma të tjera lehtësuese. Në policinë e Burgjeve sipas Manjës nuk do të pranohet askush që ka një të shkuar të errët apo është i dënuar si dhe lajmëroi se në këtë sektor ka 500 vende të lira bosh.
Ulsi Manja: Policia e burgjeve të mbajë armë në brezë. Heqja e kësaj të drejtë krijoi shumë probleme, madje dhe duke rrezikuar jetën e tyre. Me këto ndryshime punonjësit e Policisë së burgjeve do të mbajnë armë, njësoj si kolegët e tyre. ndryshimi tjetër ka të bëj me pjesën e financave, me këto ndryshime punonjësit e policisë së burgjeve do të kenë mundësi të përfitojnë kredi për strehim në forma lehtësuese. Ndryshimi i tretë ka të bëj me kriteret për pranimin e Policinë e Burgjeve. Nuk do të pranohen në policinë e burgjeve që janë dënuar në formë të prerë. Nuk do të lejohen të pranohen në policinë e burgjeve persona që janë të dënuar në arrest me burg apo në arrest shtëpie. Të hiqet kufizimi moshor deri në 35-vjeç për aplikimet për policinë e burgjeve.
