TIRANË– Është shoqëruar me debate mbledhja e Komisionit të Sigurisë. Gjatë fjalës së tij deputeti i Partisë Demokratike Ervin Salianji iu drejtua ministrit të Drejtësisë Ulsi Manja, i cili ishte i pranishëm në mbledhjen e kësaj të marte duke përmendur tritolin ndaj kreut të PD-së në Vaun e Dejës.
Sipas Salianjit qeveria nuk mund të luftojë krimin ndërsa nga ana tjetër Manja u bëri thirrje autoriteteve që të zbardhin ngjarjen. Në debat përfshihet dhe deputeti socialist Xhemal Qefalia, i cili i thotë kryetarit të Komisionit që të vijoijë mbledhja me rendin e ditës se nuk shkon që në këtë Komision të kriijohen situata të tilla. Sipas tij demokratët do e marrin përgjigjen më 14 maj, kur janë dhe zgjedhjet lokale.
Ervin Salianji: Drejtori nuk të ka ardhur pas kërkesës për kamerat e vendosura nëpër qytet. Pse nuk jeni të shqetësuar ju që ne kërkojmë që të vijë të japë llogari Ministri i Brendshëm dhe drejtori i Policisë, ndërkohë që sot fluturon me tritol kreun i PD në Vaun e Dejës? Kanë frikë të përballen? Po u vriten përditë njerëz, të vijë Çuçi këtu… Pse tritolin e krimit e përdorni ndaj medias, e vendosni ndaj opozitës? Po kërcet kallashi dhe tritoli përditë, a ke guxim ta thuash a jo zoti Qefalia? Keni guxim ta dënoni krimin? Se mirë që nuk e luftoni por dënojeni të paktën.
Xhemal Qefalia: Le të presim 14 majin dhe t’i shohim ku janë këta, ndaj vazhdoni me rendin e ditës së nuk shkon që në Komisionin e Sigurisë të krijohet një situatë e tillë.
Ulsi Manja: Çdo lloj krimi meriton të dënohet dhe agjencitë ligjzbatuese të zbardhin të vërtetën dhe t’i japin përgjigje edhe këtij krimi. Për ne është jo vetëm detyrim kushtetues ardhja në këto komisione, por dhe moment që na jepet mundësia të komunikojmë me qytetarët që hasim në punën tonë të përditshme.
