TIRANË– Asllan Dogjani do të ulet sërish në karrigen e deputetit pas zyrtarizimit të kandidaturës së Belind Këlliçit si kandidat i demokratëve për bashkinë e Tiranës. Dogjani ishte kandidat për primaret e Kamzës për nuk arriti të marrë votëbesimin e demokratëve.
Ai gjatë mbrëmjes së djeshme hodhi akuza të forta pasi u shpreh se ka pasur manipulime të listave dhe vjedhje votash mes kandidatëve të PD. Asllan Dogjani ishte kandidat i Partisë Demokratike për deputet në Tiranë në zgjedhjet e 25 prillit por nuk ia doli të thyente herësin duke e humbur mundësinë për të marrë mandatin.
