TIRANË– Ish-kryebashkiaku i Bulqizës Lefter Alla është shtruar në spital pas disa koplikacioneve që ka shfaqur. Raportohet se Alla ndodhet në spitalin e burgut nën kujdesin e mjekëve. Lidhur me gjendjen e tij shëndetësore Alla ka kërkuar këtë të premte nga Gjykata e Posaçme e Apelit Kundër Korrupsionit dhe Krimit të Organizuar lirimin e tij nga qelia dhe një masë më të butë sigurie.
Seanca pritet të mbahet në orën 15:00 nën drejtimin e gjyqtares Aida Dollani, e cila do të vendosë nëse do ta marrë parasyush ose joi kërkesën e Allës.
LefterAlla u arrestua nga Prokuroria e Posaçme Kundër Korrupsionit dhe Krimit të Organizuar (SPAK) pasi akuzohet për veprën penale të “shkeljes së barazisë së pjesëmarrësve në tendera apo ankande publike” dhe “Shpërdorimi i detyrës”.
