TIRANË– Kryetari i Partisë Demokratike Sali Berisha u ka kërkuar autoriteteve të Shteteve të Bashkuara dhe Kongresit që të hetojnë pronat e ambasadores amerikane Yuri Kim në Tiranë. Gjatë konferencës së përjavshme me gazetarët Berisha tha se PD është e gatshme të kontribuoj me prova dhe fakte në zbardhjen e këtyre problemeve
Sali Berisha: Unë e kam bërë për të mbrojtur dinjitetin tim. E kuptoj që kjo ka qenë lënduese, nuk është antiamerikane, ata që e marrin antiamerikane, gabojnë. Kurse përsa i përket guvernatores, unë edhe njëherë i bëj thirrje Inspektorit të Përgjithshëm të DASH, FBI-së dhe Kongresit të SHBA të hetojnë aferat korruptive të ambasadores Yuri Kim, përfshi këtu edhe pronat e saj në Shqipëri. Garantoj në mënyrën më të hapur se PD është e gatshme të kontribuoj me prova dhe fakte në zbardhjen e këtyre problemeve. Kaq!
