LEZHË– Arjan Lazri, 45 vjeç ka humbur jetën këtë të shtunë në Lezhë telsa ishte duke punuar në një objekt në ndërtim. Raportohet se Lazri ka rënë nga skelat e një pallati në zonën e Kunes, në Shëngjin. Plagët e marra kanë qenë fatale për 45-vjeçarin, i cili mdërroi jetë rrugës për në spital. Grupi hetimor i ngritur për ngjarjen po punon për zbardhjen e plotë të saj.
NJOFTIMI I POLICISË:
Lezhë / Informacion paraprak. Rreth orës 08:00, në Shëngjin, në Kune, shtetasi A. L. 45 vjeç, banues në Kallmet, duke punuar në një objekt në ndërtim e sipër, dyshohet se ka rënë aksidentalisht nga lartësia dhe si pasojë e dëmtimeve fizike të marra, ka ndërruar jetë. Shërbimet e Policisë kanë shoqëruar në ambientet e Policisë për veprime të mëtejshme proceduriale administratorin e firmës që po kryen punimet në këtë objekt, shtetasin A. K. Gjithashtu, grupi hetimor vazhdon veprimet verifikuese hetimore në lidhje me zbatimin e rregullave teknike në punë dhe të dokumentacioneve, me qëllim sqarimin e plotë të rrethanava të ngjarjes.
